Psalm 62

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. By God alleen is rus te vind;
van Hom alleen kan uitkoms kom.
Hy is my rots, Hy is my vesting.
Hy het my vas aan Hom verbind,
ek voel my veilig net by Hom;
daar staan ek vas; Hy is my redding.

2. Hoe lank soek julle nog my dood?
Hoe lank word ek nog aangeval,
bedrieg, vervloek en vals beskuldig?
Ek word deur hulle omgestoot
- 'n muur van klip wat om wil val -
deur vyande so menigvuldig.

3. By God alleen is rus te vind;
my redding sal van Hom af kom.
In Hom, my toevlug, staan ek stewig.
Ek voel my vas aan Hom verbind
en stel vertroue net in Hom
al is die aanval ook hoe hewig.

4. Stort julle hart dan voor Hom uit,
my volk, steun altyd net op Hom.
Stel altyd slegs in Hom vertroue.
Hy wat die aanval teen ons stuit
laat onrus tot bedaring kom.
Wie by Hom skuil, die bly behoue.

5. Vertrou op God se mag alleen.
Sien af van roof, geweld en geld
en weet: Ons, mense, is verganklik.
Hy wat ons oordeel, een vir een,
sal na verdienste ons vergeld.
Ons is van God alleen afhanklik.

Geskiedenis