Psalm 57

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Wees my genadig, o my Heer,
U is my skuilplek, my verweer.
Ek roep en weet U sal my hoor;
die wat my jaag, hul sal verloor.

2. Die mense is my kwaadgesind -
soos leeus wil hulle my verslind.
Die strikke wat hul vir my span,
maak hulle self die prooi daarvan.

3. Verhef u eer oneindig hoog,
ver hoër as die hemelboog.
Oor alles, Heer, voer U gesag -
toon dan die grootheid van u mag.

4. Ek voel weer veilig by U, Heer;
ek wil 'n lied sing tot u eer;
my blydskap, Heer, wil ek vier
met mooi musiek van harp en lier.

5. Die rooidag wil ek wakker maak
wanneer ek soggens vroeg ontwaak.
U trou wat reik tot in die wolk
besing ek onder elke volk.

6. Verhef u eer oneindig hoog,
ver hoër as die hemelboog.
Oor alles, Heer, voer U gesag -
toon dan die grootheid van u mag.

Geskiedenis