Psalm 4

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Heer, hoor my roep in my gebede,
God van geregtigheid, hoor my.
Wees my genadig in die hede,
Heer, net soos ver in die verlede.
Kom my weer uit my nood bevry
Heer, luister nou na my.

2. My vyand en my teëstander
het leuens lief en ook bedrog.
Kyk, julle maak my eer tot skande;
hoe lank voor julle gaan verander?
Hoe lank duur julle valsheid nog,
jul leuens en bedrog?

3. Weet tog: Vir een in die besonder
sal Hy sy weldade verrig.
Hy het my daarvoor afgesonder,
vir my bewerk die Heer 'n wonder.
My swaarkry sal Hy weer verlig
as ek my tot Hom rig.

4. As jy ontstel raak, wees dan lydsaam;
bly wat Hy voorskryf, onderhou.
Sondig dan nie en wees net swygsaam
en laat wat jou ontstig, verbygaan.
Bring offers soos verwag van jou
onfeilbaar is sy trou.

5. Vra nie: "Wie sal ons weer bemoedig
en sal dit met ons goed laat gaan?
Wie maak dit weer vir ons voorspoedig?"
U gun ons vreugde so oorvloedig;
u lig, meer werd as graan en wyn,
laat dÌt weer oor ons skyn.

6. Daar is nou niks wat ek ontbeer nie.
Tot diepe rus het ek bedaar.
Sag gaan ek slaap, niks druk my neer nie.
U waak oor my, niks kwel my meer nie.
U sal in onheil en gevaar
in vrede my bewaar.

Geskiedenis