Psalm 35

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Behartig tog, o Heer, my saak
teen die wat klagtes teen my maak;
gryp skild en spies,
laat hul beskaamd staan.
Heer, laat u Engel hulle jaag
soos kaf waai in die wind se vlaag;
laat hul ontnugter op die vlug slaan.

2. Maar ek sal in die Here juig
en van sy redding luid getuig:
"Hy breek die sterkste in sy oormag."
Van almal voel ek my verlaat.
My goedheid word beloon met kwaad.
My goeie dade word geminag.

3. Met ander het ek saam getreur,
hul in hul lyding opgebeur,
net soos vir my familielede.
Kom red my Heer, ek sal U prys;
my dank voor die gemeente wys.
Verhoor, o Here, my gebede.

4. Tree in vir my, beskerm my, Heer,
teen hulle wat my vals blameer.
U sien dis nie soos hulle sê nie.
Laat reg, o Heer, aan my geskied;
Voorkom dat hul my leed geniet,
want hulle wil nie vrede hê nie.

5. Laat dié wat leed begeer vir my,
laat hulle self daaronder ly.
Laat vriende jubel oor my vryspraak.
Ek sal vertel, Heer, van u trou
en altyd sal ek dit onthou.
My tong sal onvermoeid U grootmaak.

Geskiedenis