Psalm 24

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Die aarde is Gods eiendom,
en als daarop behoort aan Hom.
Hy het in waters van die see
'n vaste grond daaraan gegee.

2. Wie sal dan na sy berg mag gaan
en in sy heiligdom gaan staan?
DiÈ met die hande skoon en rein,
die suiwer hart mag daar verskyn.

3. Die Heer laat reg aan hul geskied
wat vra na wat sy wil gebied.
Dis hulle wat tot die geslag
van Jakob hoort wat op Hom wag.

4. O poorte van sy heiligdom,
die Magtige wil binnekom.
Hy is geweldig, sterk is Hy.
Gaan oop, o poorte, en wees bly.

5. Wie is dié Koning? Laat Hom in,
Hy wat in elke stryd oorwin.
Die Here wat almagtig is,
deur Hom word elke stryd beslis.

6. O poorte van sy heiligdom,
die Magtige wil binnekom
Hy is geweldig, sterk is Hy.
Gaan oop, o poorte, en wees bly.

7. Wie is dié Koning? Laat Hom in,
Hy wat in elke stryd oorwin.
Hy is geweldig, magtig, sterk.
Sy heerskappy is onbeperk.

Geskiedenis