Lied 586

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Hef op jul hoofde, vromes;
verlostes, wees verbly!
Die Heer wat op die troon is
kom weer in heerlikheid.
Hy kom, en daardie dag
sal heel die aarde bewe.
Maar húl sal juigend lewe
wat nou reeds op Hom wag.

2. Eenmaal in knegsgestalte
was Hy al hier gewees -
'n Kind wat in 'n stal was,
en deur 'n vors gevrees.
Die wyses volg die lig
en bring aan Hom die hulde.
Sy bloed betaal ons skulde
voor God se aangesig.

3. Hy kom nie weer as kindjie
na Betlehem se stal.
Hy kom nou as oorwinnaar
en met basuingeskal!
As regter daal Hy neer.
Sy troon is haelwit wolke.
En oor verloste volke
sal Hy alleen regeer.

Geskiedenis

Teks 
Die oorspronklike Duitse teks “Nun jauchzet all ihr Frommen” is geskryf deur Michael Schirmer (#432) en gepubliseer in J Crüger (#156) se Newes vollkömmliches Gesangbuch (Berlyn, 1640). Izak de Villiers (#153) het dit as basis gebruik vir die Afrikaanse weergawe in die 1978-bundel. Dit is onveranderd oorgeneem in die Liedboek (2001). 

Melodie 
Die melodie AUS MEINES HERZENS GRUNDE is vernoem na ’n teks van Georg Niege (Nigidius) (#554) met dieselfde naam wat in 1592 geskryf is. Dit is vir die eerste keer gepubliseer in die New CatechismusGesangbüchlein (Hamburg, 1598) deur die uitgewer, David Wolder (#554). Vir meer inligting oor die melodie, sien Lied 554. 

Bronne 
Cillié: 298; HLH: 56, 389; Hymnary.org; KLEG: 274-275; Liederdatenbank; Volkslieder Archiv; www.deutsche-biographie.de; www.hymntime.com; www.lutheranchoralebook.com; www.lutheran-hymnal.com; www.volksliedsammlung.de