Lied 580

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Rus, my siel, jou God is Koning,
oral voer Hy heerskappy.
Alles wissel hier op aarde,
onveranderlik is Hy.

2. Met die kom en gaan van jare
soos die deinings van die see,
wissel alles op die aarde -
wissel mensewaardes mee.

3. Elke mens soek na vervulling,
soek met ywer dag na dag,
maar die soeke bring geen rus nie -
laat ons dus op Christus wag.

4. Rus, my siel, jou God is Koning,
leef tevrede uit sy hand;
wát ons tref in hierdie wêreld,
niks verbreek sy liefdesband.

Geskiedenis

Teks 
“Rust mijn ziel! Uw God is Koning” is die oorspronklike Nederlandse teks wat geskryf is deur Pieter van de Kasteele (#213). Dit is gepubliseer in die Evangelische Gezangen (1806). GBA Gerdener (#157) het die teks feitlik letterlik in Afrikaans vertaal vir Die Nuwe Halleluja (1931) en toe weer hersien vir opname in die AGB (1944). Gerjo van der Merwe (#151) en Attie van der Colf (#169) was gesamentlik verantwoordelik vir die versorging van die teks vir die 1978-bundel. Dit is effens gewysig en ingekort tot vier strofes in die Liedboek (2001). 

Melodie 
Die anonieme melodie RINGE RECHT, WENN GOTTES GNADE word by hierdie lied gebruik. Die melodie met hierdie teks van die Lutherse teoloog Johann Friedrich Winckler (1679-1738), kom voor in ’n Herrnhuter Choralbuch (1735) in ’n manuskripversameling van die Morawiërs in Herrnhut. Dit is daarna uitgegee in Johann Thom-men (1711-1783) se Erbaulicher musikalischen ChristenSchatz (Basel, 1745). Met ’n volgende uitgawe in 1786 het die melodie in aangepaste vorm verskyn met ’n ander teks. Dit kan moontlik dan hierdie melodie wees wat toegeskryf word aan JC Kuhnau (1735-1806), maar geen bewyse hiervoor is gevind nie. In sommige bronne word die melodie ook genoem BATTY, TURNAN en INVITATION. Daar is geringe melodiese verskille tussen BATTY en RINGE RECHT. In die Common Service Book of the Lutheran Church (1917) word BATTY inderdaad aangedui as ’n aanpassing van RINGE RECHT. Volume 2 

Bronne 
Cillié: 462-463; CWH: 136; HCHAM: 206; www.historichymns.com; Hymnary.org; Zahn: #1304; TCH.