Lied 570

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ure, dae, maande, jare
skuif soos skadu's stil verby.
Niks sal met die loop van jare
onveranderd hier kan bly.
Soos die gras, so is ons dae;
soos 'n blom verwelk die mens:
U stel na u welbehae
aan ons leeftyd hier 'n grens!

2. Vader, U troos ons in smarte
selfs ook as U ons bestraf.
U, die kenner van ons harte,
lei ons deur die dood en graf.
Al verander als op aarde,
u verbond hou ewig stand.
Ewig rus ons in u vrede,
veilig in u vaderhand.

Geskiedenis

Teks 
Die Nederlandse teks “Uren, dagen, maanden, jaren” is geskryf deur Rhijnvis Feith (#157) en gepubliseer in die Evangelische Gezangen (1806). Die ses strofes is verminder na vyf in die Afrikaanse vertaling van die AGB (1944). Die teks is gewysig en ingekort tot drie strofes deur Attie van der Colf (#169) in die 1978-bundel. Hy het dit weer hersien vir die Liedboek (2001) en verder ingekort tot net twee strofes. 

Melodie 
Vir meer inligting oor die melodie HERZ UND HERZ VEREINT ZUSAMMEN, sien Lied 260. 

Bronne 
Cillié: 80-81; PHH: 607-608.