Lied 531

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ons Here, God van alvermoë,
U sal ons met u guns omvou.
U gee aan blindes nuwe oë,
Heer, U laat hul op U vertrou.
Ons volg getrou u Gees se leiding,
God, U is Heer, U skenk bevryding.

2. Ons harte sing van u genade,
Heer, U is steeds getrou en goed.
Ons prys U vir u reddingsdade,
ons God wat altyd ons behoed.
Ons wy aan U ons hele lewe,
u eer is hier ons hoogste strewe.

Geskiedenis

Teks 
Die teks is nuut geskep deur CJA Vos (#167) vir die melodie van Bortnianski en opgeneem in die Liedboek (2001). 

Melodie 
Die melodie wat by hierdie lied gebruik word, is ST PETERSBURG wat in 1825 gekomponeer is deur Dmitri Bortnianski (#293). Die ware bron van hierdie melodie is onbekend. Vir baie jare is daar gedink dat dit ’n aanpassing uit ’n mis was wat deur hom in 1822 geskryf is, toe hy die dirigent van die Russian Imperial Choir in St Petersburg was. Die werk kon egter nie opgespoor word nie en daar is ook nie bewyse dat dit uit een van sy ander groter werke kom nie. Dit is ingesluit as Nr 116 in Peter Ilyich Tchaikovsky (1840-1893) se 1884-uitgawe van Bortnianski se werke waar dit geset was op ’n Russiese kerkliedteks. Dit is na alle waarskynlikheid vir die eerste keer as ’n kerklied gepubliseer in ’n Choralbuch, Enthaltend die Melodien zu der Sammlung … von Johannes Gossner (Leipzig, 1825) wat uitgegee is deur Johann H Tscherlitzky, ’n orrelis van St Petersburg. Tscherlitzky was betrokke by die Lutherse Kerk in Moskou. In hierdie boek is die melodie geset op G Tersteegen (#159) se teks “Für dich sei ganz mein Herz und Leben”. Dis ook in hierdie bron waarin die verwysing na Bortnianski se mis voorkom. Dit wil nie voorkom of die melodie baie in Russiese kerke gebruik is nie. Dit is wel gespeel by spesiale geleenthede soos “the blessing of the waters” wat plaasvind in St Petersburg op 6 Januarie. Die dirigent Vasily Safonov (1852-1918) het beweer dit is ’n Russiese volkslied. Die melodie ST PETERSBURG is vernoem na die stad waar Bortnianski studeer, gewerk en dood is. Dit staan ook bekend as WELLS, WELLSPRING en SHANGANA. 

Bronne
Colquhoun: 258; CWH: 556-557; e-poskorrespondensie met Cas Vos, 20 April 2016; PHH: 181-182.