Lied 514

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ek weet vir seker: Jesus is Heer -
Hy het my sonde uit liefde vergeef.
Ek was verlore, maar is gevind;
nou het ek vrede - ek is Gods kind.

Hy is my leidsman - Hy laat my leef.
Hy is oorwinnaar - Hy is die Heer.
Uit sy genade, liefde en trou,
weet ons hoe God sy kinders behou.

2. Lig is sy las en sag is sy juk.
Hy gee vermoeides die ware geluk.
Selfs as ek struikel, en dit berou -
Hy sal vergewe, Hy bly getrou.

Hy is my leidsman - Hy laat my leef.
Hy is oorwinnaar - Hy is die Heer.
Uit sy genade, liefde en trou,
weet ons hoe God sy kinders beho

Geskiedenis

Teks 
“Blessed assurance, Jesus is mine” is deur Fanny Crosby (#205) in 1873 geskryf. Die uitsonderlike van hierdie lied is dat die melodie BLESSED ASSURANCE voor die teks geskryf is. Dit het gebeur in 1873 toe die komponis van die melodie, Mrs Phoebe Knapp, haar vriendin Mrs Frances van Altstyne (Fanny Crosby) besoek het. Knapp het aan Altstyne genoem dat sy ’n nuwe melodie geskryf het, dit aan haar voorgespeel en haar gevra om ’n teks daarvoor te skryf. Onmiddellik het die woorde “Blessed assurance, Jesus is mine” by die talentvolle Frances opgekom. Soos wat sy verder na die musiek geluister het, kon sy die eerste strofe voltooi. Later het sy ook ander strofes bygevoeg. Die teks tesame met die melodie is gepubliseer in John Robson Sweney (1837-1899) se Gems of Praise, Choice Collection of Sacres Melodies (Philadelphia, 1873) en in Ira Sankey se Gospel Hymns, No 5 (1887). Dit word deel van Dwight Moody en Sankey se herlewingsbewegings in Engeland en die VSA en later ook van Billy Graham se Crusades. Saam met “To God be the glory” (Lied 205) is dit waarskynlik die mees bekende teks van Fanny J Crosby. 

Die lied verskyn in Nederlands in Die Halleluja (1903) as“Blijde verzeekring Jezus is mijn”. Dit is in Die Nuwe Halleluja (1931) in Afrikaans vertaal. Attie van der Colf (#169) het ’n nuwe vertaling gemaak vir die Jeugsangbundel (1984) waarvan die aanvangsreël lui: “Ek weet verseker dat Jesus leef”. Hierdie teks is hersien deur Van der Colf vir die weergawe in die Liedboek (2001). 

Melodie 
Die melodie ASSURANCE is gekomponeer deur Phoebe Knapp in 1873. 

Phoebe Palmer Knapp (*8 Maart 1839, New York City; †10 Julie 1908, Poland Springs, Maine) was die dogter van die bekende evangelis dr Walter Palmer. Sy was ’n musikaal begaafde kind en het grootgeword in ’n Metodistehuis met die rykdom en voorregte van New York City se laer-Manhattan gemeenskap. Op 16 trou sy met Joseph Fairchild Knapp, ’n litograaf wat ’n fortuin uit sy maatskappy gemaak het en president was van die Metropolitan Life Insurance Company. Die paartjie bly in ’n herehuis in Brooklyn waar hulle aktiewe lidmate was van die St John’s Methodist Episcopal Church. Hy was hoof van die Sondagskool en sy het haar musikale talente daar uitgeleef. Hy sterf in 1891 en sy wend haar fortuin aan vir liefdadigheid. 

Sy was ’n intieme vriendin van Fanny Crosby en het oor die 500 gospelliedere en melodieë geskryf. Van die bekendes sluit in die volgende: CONCECRATION, NEARER THE CROSS, MY ALL IS ON THE ALTAR en EVERLASTING LOVE.

Bronne 
CDH; CUMH: 238; HC: 485; Hymnary.org; Knight: 205-206; PHH: 659-660.