Lied 503

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Jesus, Rots, my hoop vir ewig,
veilig kan ek op U bou.
U is Heer, my anker stewig,
vas kan ek op U vertrou.
Deur u mag, deur u krag
dra U my van dag tot dag.

2. U, my hoop, my koers op aarde -
U gee aan die lewe sin.
Heer, U gee my lewe waarde,
nuut kan ek met U begin.
U vergeef, U laat leef -
in u krag kan ek oorwin.

3. U, my hoop, my hede, toekoms,
leer my werk en bid en wag.
U gee op my sugte uitkoms,
inspireer my elke dag.
Aan U, Heer, altyd weer:
lof, aanbidding, dank en eer!

Geskiedenis

Teks 
Hierdie nuwe teks van Attie van der Colf (#164) is vir die eerste keer gepubliseer in die Liedboek (2001). 

Melodie 
Vir meer inligting oor die melodie MEINE HOFFNUNG STEHET FESTE, sien Lied 502. 

Bron 
Liedboek (2001).