Lied 501

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ek het toe wilde storms gewoed het,
diep onder, vaste rots gevind.
Die woord wat my van ramp behoed het:
God is my Vader; ek sy kind.
My anker is d··r vasgemaak
- ek glo! -
niks sal dit los laat raak.

2. Dié vastigheid het die Getroue,
my Heiland, met sy dood gelÍ.
Ek is Gods kind en in vertroue
kan ek dit glo; sal ek dit sÍ.
Al kom daar onweerswolke aan,
die woord is vas:
Die rots bly staan.

Geskiedenis

Teks 
Die oorspronklike Duitse teks van die lied “Ich habe nun den Grund gefunden” is geskryf deur Johann Rothe in 1722. Dit verskyn in 1727 in Nikolaus von Zinzendorf (#505) se ChristCatolischem Singeund BetBüchlein wat deur die Broedergemeenskap in Hernnhut gebruik is. Izak de Villiers (#153) se teks vir die 1978-bundel is nie ’n streng vertaling van Rothe se gedig nie. Dit is onveranderd oorgeneem in die Liedboek (2001). 

Johann Andreas Rothe (*12 Mei 1688, Lissa, Görlitz; †6 Julie 1758, Thommendorf, Silesië) gaan skool aan die Gymnasium in Görlitz en daarna aan die Maria-Magdalena Gymnasium in Breslau. Vanaf 1708 studeer hy teologie in Leipzig en gaan in 1711 na ’n predikante-Collegium by die Dreifaltigkeitskirche in Görlitz. Hier maak hy kontak met die piëtistiese pastor Melchior Schäfer (1682-1738). In 1719-1722 was hy ’n huisonderwyser in Leuba, Görlitz. In hierdie tyd leer ken hy die invloedryke graaf Nikolaus von Zinzendorf (#505) en laasgenoemde beroep Rothe as prediker na Berthelsdorf. Hier kom hy in aanraking met ’n piëtistiese geloofsgemeenskap wat uit Herrnhut afkomstig was en skryf vir hulle ’n kategismus en liedtekste. Rothe het as prediker groot aanhang gehad en was instrumenteel in die samewerking tussen die Lutherse kerk en die Broedergemeenskap in Herrnhut. Mettertyd ontstaan daar onenigheid oor die Broederskap se leringe en dit lei in 1737 tot ’n breuk met Von Zinzendorf. Rothe verlaat Berthelsdorf en word predikant in Hermsdorf en in 1739 in Thommendorf. Rothe was in sy tyd bekend as ’n kragtige “opwekkingsprediker” en ’n“geseënde” digter van geestelike liedere. Verskeie geskrifte van hom verskyn waarin hy hom veral besig hou met sake rakende ’n Christelike lewensstyl. Daar is 35 liedere van hom bekend, wat insluit “Ich habe nun den Grund gefunden” (1727), waarin sy vroomheid en teologie, gebaseer op die verlossingsdaad van Jesus Christus, duidelik na vore kom. 

Melodie 
Vir meer inligting oor die melodie O DASS ICH TAUSEND ZUNGEN HÄTTE van Johann König (1738), sien Lied 196. 

Bronne 
Cillié: 377-378; KLEG: 262-263.