Lied 485

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. O Heer, u laaste woorde
digby Jerusalem,
kom deur die loop van eeue
soos met u eie stem:
"Aan My, wat dood oorwin het,
is alle mag gegee;
die heil wat Ek gebring het
gaan deel dit verder mee!"

2. O Heer, u laaste woorde
as eerste sendeling,
het oor die hele wêreld
bevrydend uitgekring:
"Gaan oral en verkondig,
deur lewe, woord en doop,
vergifnis van die sonde,
verlossing uit die dood."

3. Maak deur u laaste opdrag
wat soveel vreugde bring,
ons arbeid tot 'n seën;
laat liefde ons ook dring.
Bring mense tot bekering,
wil u gemeente bou.
En laat ons, Heer, u lering
van harte onderhou.

Geskiedenis

Teks 
“O Heer, u laaste woorde” is ’n nuwe teks van Attie van der Colf (#164) wat in die 1978-bundel verskyn het. Dit is gebaseer op Jesus se sendingopdrag (Matt 28:18-19). Die teks is met geringe wysigings opgeneem in die Liedboek (2001). 

Melodie 
VALET WILL ICH DIR GEBEN van Melchior Teschner (#409) is in 1613 gekomponeer. Vir meer inligting oor die melodie, sien Lied 409. 

Bron 
Cillié: 317.