Lied 469

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. O diepte van die rykdom
van wat U ken en weet!
Geen skepsel kan daar bykom,
die omvang daarvan meet.
Wie ken ooit u gedagte;
by wie gaan soek U raad?
U heers oor alle magte;
U's groot in woord en daad!

2. Uit U en deur en tot U
is alle dinge, Heer.
Bepaal Ú nie ons lot nie
al sou ook w·t gebeur?
Geen toeval skend u werke,
en kom ook hier my tyd,
sal ek by U, o Sterke
mag bly in ewigheid.

Geskiedenis

Teks 
Hierdie oorspronklike teks van Izak de Villiers (#153) is ’n beryming van Romeine 11:33-36. Dit is vir die eerste keer gepubliseer in die 1978-bundel en hersien in die Liedboek (2001). 

Melodie 
DU MEINE SEELE, SINGE van Johann Ebeling (#343) is oorspronklik in 1666 gekomponeer vir die teks van Paul Gerhardt (#156): “Merkt auf, merkt Himmel, Erde”. Ebeling publiseer twee versamelings met liedtekste van Gerhardt: Pauli Gerhardi geistliche Andachten (1666/1667) en Evangelischer Lustgarten Herrn Pauli Gerhardts (1669). Die melodie DU MEINE SEELE, SINGE is in die 1667-versameling gebruik vir ’n ander Gerhardt-teks wat gebaseer was op Psalm 146 “Du meine Seele, singe” waarvan die melodie dan sy himnologiese titel verkry het. Die melodie is ritmies aangepas in die Liedboek (2001). 

Bronne 
CGLB: 182-183; PHH: 360.