Lied 443

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Wind kan jy nie sien nie -
niemand sien dit raak;
maar wanneer ons luister,
hóór ons hoe dit maak.

2. Wie kan God se Gees sien?
Niemand kan Hom sien!
Maar wanneer ons luister,
leer Hy ons Hom dien.

3. Wind kan soveel doen, dit
dryf die wolke heen;
dit beweeg die seë
en dit bring die reën..

4. God sê Gees doen soveel -
leer ons God vertrou;
leer ons om te luister
en op Hom te bou.

5. Kom ons sÍ vir elkeen:
bid tot God die Heer,
dat Hy ons sy Gees gee,
dat Hy ons sal leer.

Geskiedenis

Teks 
Die Pinksterlied “Vinden ser vi inte” (“Wind kan jy nie sien nie”) is in 1958 geskryf deur die Sweed, Anders Frostenson. Die teks is gebaseer op Johannes 3:8 en 14:26. Hy hersien die teks in 1973. Die Afrikaanse weergawe is geskryf deur Elsabé Kloppers (#154) vir die Liedboek (2001). 

Anders Frostenson (*23 April 1906, Skane; †4 Februarie 2006, Örebro, Swede) was ’n priester, digter en skrywer. Hy studeer tale, literatuur en teologie aan die Universiteit van Lund en ontvang ’n BA in Engels, Slawiese tale en Filosofie in 1928. In 1932 word hy ingeseën as priester en begin sy diens die volgende jaar in die King Gustav Vasagemeente in Stockholm. Hy was vikaris van die Lovo-gemeente, Stockholm-streek, tot met sy aftrede (1949-1971). In 1955 word hy prediker van koning Gustav V. In 1977 stig hy die Anders Frost’s Foundation wat ten doel gehad het om die herlewing van kerkliedere en ballades te bevorder. In 1981 word ’n eredoktorsgraad in teologie aan hom toegeken deur die Universiteit van Lund. Frostenson was aktief in die samestelling van die Sweedse liedboeke en dien op hersieningskommissies van die 1937-, 1969- en 1986-uitgawes. In Den Svenska Psalmboken (1986) is daar 146 werke van hom opgeneem wat insluit oorspronklike tekste, aanpassings van liedere en vertalings. By sy begrafnis in die Olaus Petri-Kerk in Örebro op 31 Maart 2006 is verskeie van sy kerkliedere gesing. 

Melodie 
Erhard Wikfeldt (*2 Mei 1912, Kärsta; †19 Februarie 2000, Gimo, Swede) was ’n Sweedse hoërskoolonderwyser, orrelis en komponis. Hy skryf die melodie vir Frostenson se teks in 1958. 

Bronne 
Den Svenska Psalmboken (1986); Hymnary.org