Lied 431

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. O Gees van Vader en van Seun,
ons voorspraak, leidsman, krag en steun,
U vul ons diepste hartsverlange:
U kom ons in die waarheid lei;
U leer ons bid, kom by ons bly -
U loof ons met ons lofgesange!
Wil steeds die goeie in ons werk,
bewaar, vermeerder en versterk.

2. U maak die Skrifte vir ons oop;
bekeerdes, deur die Gees gedoop,
ontvang met blydskap skuldvergewing.
Verlos, na liggaam en na gees,
deel hul vol vreugde in die fees.
God gee 'n nuwe heilsbedeling!
Saam breek ons brood, één in gebed,
saam loof ons God wat ons kom red.

Geskiedenis

Teks 
Die oorspronklike Nederlandse teks “O Geest van Vader en van Zoon” is geskryf deur Ahasverus van den Berg (#198) vir die Evangelische Gezangen (1806). GBA Gerdener (#157) se Afrikaanse vertaling het verskyn in Die Nuwe Halleluja (1931), maar ’n nuwe vertaling is gemaak vir die AGB (1944). Die weergawe in die 1978-bundel van Attie van der Colf (#164) is weer hersien en ingekort tot twee strofes in die Liedboek (2001). 

Melodie 
By hierdie lied word die melodie GENEVAN 84 – die oorspronklike Geneefse melodie vir Psalm 84, “O Dieu des armées combien” – gebruik. Dit is waarskynlik geskryf deur Maître Pierre Davantès (#339) en het vir die eerste keer verskyn in die voltooide Les Pseaumes mis en rime françoise (Genève, 1562). 

Bronne 
Pidoux I; Hymnary.org; www.genevanpsalter.com