Lied 404

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ons juig weer oor 'n leë graf,
'n steen wat weggerol is,
u heerlikheid, triomf en krag
waarvan die aarde vol is!
O seën hierdie Paasfeestyd.
U het verrys met majesteit,
o Koning van die lewe.

2. Die engele het daar verskyn;
vertel van al u werke.
Die vroue haas hul van die tuin,
hul vreugde ken geen perke.
Die Heer het waarlik opgestaan
en Hy het ons vooruit gegaan.
Loof Hom, die Heer, die Sterke!

Geskiedenis

Teks 
Izak de Villiers (#153) se oorspronklike Afrikaanse teks “Ons juig weer oor ’n leë graf” is vir die eerste keer gepubliseer in die 1978-bundel. In die weergawe in die Liedboek (2001) is die tweede strofe aangepas. 

Melodie 
Die melodie ALLEIN GOTT IN DER HÖH SEI EHR is ’n aanpassing deur Nicolaus Decius (#392) van ’n 10de-eeuse gelyksang vir die Paastyd: Gloria in Excelsis. Hiermee word dit ’n Protestantse kerklied. Die oorspronklike gelyksang kan gevind word in die Liber Usualis (Tournai, 1963). Decius se weergawe van die melodie is vir die eerste maal gesing op Paassondag, 5 April 1523, in Braunschweig. Dit is gepubliseer met die teks in Platduits in Joachim Sluter (c 1490-1532) se Gesang Buch (Rostock, 1525) en in Hoogduits in Valentin Schumann (1502-1534) se Geistliche Lieder auffs new gebessert und gemehrt (Leipzig, 1539). 

Bronne 
Cillié: 50-51, 267-268; CWH: 923; HC: 230; HCLBW: 256-257; HLH: 29-30, 177; PHH: 566-567.