Lied 394

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. O Christus, ek het in u lyding
die prys wat liefde vra, gesien:
en met verskrikking, maar met blydskap,
weer eens besef dat liefde dien.

2. U offer, Heiland, laat ons altyd
en onvervreembaar U s'n wees.
U gee Uself dat ons kan lewe,
wek ons, en lei ons deur u Gees.

3. Laat, Heer, u trou en reg en vrede,
u liefde deur ons lewe stroom -
dan dra ons vrugte van bekering:
U kruis is, Heer, ons lewensboom.

Geskiedenis

Teks 
Bartholomäus Bastie word in latere Franse gesangeboeke aangegee as die digter van die teks “O Christ, j’ai vu ton agonie” wat waarskynlik in 1834 geskryf is. Die lied is ook opgeneem as Nommer 30 in die Chants Chrétiens (Parys, 1847), maar ook hierin word geen skrywers vermeld nie. Dit is verwerk in Afrikaans vir die 1978-bundel deur Attie van der Colf (#164) en weer gewysig vir die Liedboek (2001). 

Geen verdere inligting kon oor Bartholomäus Bastie (1777-1841) verkry word nie. 

Melodie 
Die melodie dra die naam van die oorspronklike Franse teks O CHRIST, J’ AI VU TON AGONIE en die herkoms daarvan word aangedui as die Neues Geistreiches Gesangbüch van Freylinghausen (Halle, 1704). 

Bron 
Cillié: 231.