Lied 375

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Heer Jesus klein, so teer en rein,
slaap rustig, soet en sag.
Dit word nou nag, die lig verdwyn,
die Vader hou hier wag.

2. Daar kom 'n vors uit Betlehem,
soos die profeet getuig.
Herodes vrees hy is bestem
om voor diÈ vors te buig.

3. Daarom maak hy 'n wrede plan:
Klein seuntjies word vermoor.
Juis teen diÈ Kind word saamgespan -
hy wil Sy hart deurboor.

4. Slaap nou maar voort, Heer Jesus klein,
slaap rustig, soet en sag.
Dis donker nag, net sterre skyn -
die Vader hou steeds wag.

Geskiedenis

Teks 
Die datering van die oorspronklike teks “Lully, lulla, thou little tiny child”is onbekend, maar dit word met die Coventry Gildes se skouspele (pageants) verbind so vroeg as 1392. Dit is uitgevoer vir koningin Margaret van Engeland in 1456 en koning Henry VII in 1492. Die enigste oorgelewerde teks van die lied is van ene Robert Croo (*onbekend; †1534?) en kom voor in die Pageant of the Shearman and Tailors – ’n Kersspel wat deel vorm van die Middeleeuse tradisie bekend as die Mystery Plays. Croo dateer sy manuskrip 14 Maart 1534. Hy het vir ’n aantal jare opgetree as die bestuurder (organiseerder) van die skouspele van Coventry. Die lied verwys na die kindermoord wat in Bethlehem gepleeg is in opdrag van koning Herodes. GG Cillié (#342) het ’n Afrikaanse teks gemaak, “Lief kindjie klein”, en dit is in 1951 in Die Halleluja gepubliseer. Die weergawe in die Liedboek (2001) is geskryf deur Louwrens Strydom (#174). 

Melodie 
CONVENTRY CAROL is ’n Engelse melodie waarvan die vroegste setting voorkom in ’n manuskrip van Thomas Mawdyke wat 13 Mei 1591 gedateer is. Hy het waarskynlik in hierdie manuskrip slegs ouer liedere opgeteken en nie self melodieë geskryf nie. Dit is aangepas in die Liedboek (2001). 

Bronne 
www.earlymusicnotes.blogspot.com; www.genius.com