Lied 374

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. 'n Ster het in die ooste
met wonderlig geskyn -
'n teken dat die duister
wyk voor 'n Kindjie klein:

2. 'n Kind vir ons gebore
die Bybel leer ons so
en niemand gaan verlore
wat in dié Kindjie glo.

Geskiedenis

Teks 
Die Adventsteks “Nu daagt het in het oosten” is geskryf deur Johannes Riemens (sr). Die oorspronklike sekulêre teks is ’n Middeleeuse ballade met die liefde as tema. Ons het dus hier te make met ’n kontrafak. Sedert die geestelike teks opgeneem is in Suzanna Maria van Woensel Kooy (1875-1934) se bundel Oude en Nieuwe Zangen (1911) word dit gou gewild en is dit ook opgeneem in die Nederlandse Hervormde Gesangbundel (1938). Attie van der Colf (#164) het dit in Afrikaans verwerk vir die 1978-bundel, maar min van Riemens se oorspronklike teks is behou. Van der Colf se teks is net so oorgeneem in die Liedboek (2001). 

Johann Riemens (sr) (*24 Desember 1843, Vlissingen; †31 Augustus 1908, Zeist) was ’n Nederlandse Hervormde predikant wat onder meer gemeentes in Voorthuizen, Driebergen, Middelburg en Rotterdam bedien het. Hy was ook bekend as vertaler en skrywer van kerkliedere waarvan “Nu daagt” die bekendste is. 

Melodie 
CHRISTUS, DER IST MEIN LEBEN is gekomponeer deur Melchior Vulpius (#153) in 1609 en is ritmies aangepas in die Liedboek. Sien Lied 153 vir meer inligting oor die melodie. 

Bronne 
Cillié: 153-155; CGLB: 350; HCLBW: 336-337; kerkliedwiki.nl