Lied 361

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Oor skape hou die herders wag
in velde oop en wyd,
toe kom 'n engel in die nag -
verskyn in heerlikheid.

2. Ten spyte van hul skrik en vrees,
hoor hul sy helder stem:
"Ek bring vir jul die goeie nuus -
dis vir Gods volk bestem."

3. In Betlehem lÍ in 'n krip
die Goddelike Kind.
Die herders, in verwondering,
het daar dié Kind gevind.

4. Met herders en met engele
bring ons aan God die eer.
Hy gee ons sy geliefde Seun,
laat daal sy vrede neer.

Geskiedenis

Teks 
“While shepherds watched their flocks by night”is geskryf deur Nahum Tate. Dit is vir die eerste maal gepubliseer in die Supplement (Londen, 1700) tot die New Version of the Psalms of David deur Tate en Nicholas Brady (1659-1726). Attie van der Colf (#164) skryf ’n nuwe teks vir die Liedboek (2001). Hierdie teks is gebaseer op Lukas 2:8-12. 

Nahum Tate (*c 1652, Dublin; †30 Julie/12 Augustus 1715, Southwark, Londen) het studeer aan Trinity College in Dublin waar hy ’n BA-graad verwerf het in 1672. Hy verhuis in 1676 na Londen waar hy deel word van die literêre kringe en bekend word as skrywer van toneelstukke en as digter. Hy raak bevriend met die digter en skrywer, John Dryden (1631-1700) en publiseer gedigte en dramas. Hy herskryf onder meer die slot van Shakespeare se King Lear sodat dit ’n gelukkige einde het. Hy word aangestel as Poet Laureate in 1692. Sy politieke oortuigings was van so ’n aard dat hy met die Katolieke James II en die Protestantse William III kon saamwerk. Tate publiseer ook ’n bloemlesing Miscellanea Sacra, or, Poems on Divine and Moral Subjects (1696). In die geskiedenis van kerkmusiek word hy veral onthou vir sy samewerking met Brady in die samestelling van A New Version of the Psalms of David (Londen, 1696) wat die Old Version van Sternhold en Hopkins (1562) vervang het. Die New Version is opgedra aan koning William III. 

Dit is gereeld herdruk en aangevul met liedere sodat die New Version die standaard psalter van die Church of England geword het. Hierdie werk het psalmodie tot in die 19de eeu beïnvloed. Tate publiseer ook An Essay for Promoting of Psalmody (1710) wat bedoel was om kritiek teen die New Version te ondervang. Hy sterf in Suffolk House in Londen – ’n tehuis vir arm mans. 

Melodie 
WINCHESTER OLD is geskryf deur George Kirby(e) (#341) en kom voor in Thomas Este (#341) se The whole Booke of Psalmes (Londen, 1592). Die melodie word geassosieer met die Kersteks van Tate sedert die publikasie daarvan in Hymns Ancient and Modern (1861). Vir meer inligting oor die melodie sien Lied 341. 

Bronne 
CDH; CUMH: 839; CWH: 288; Knight: 85; PHH: 350-351.