Lied 360

Vers 1

1. Vanuit die hemel is gebring
die boodskap waarvan eng’le sing:
Gebore is die Christuskind
wat julle in ‘n krip sal vind.

Kry toegang tot die volledige lirieke. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om alle verse se lirieke te sien.

Kry toegang tot alle bladmusiek en ander aflaaibare lêers. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om af te laai.

Martin Luther 1535; Halleluja 1951; gewysig Izak de Villiers 1978 / 2001
Vom Himmel hoch da komm ich her – Martin Luther 1539©
Inligting oor die verwerking van hierdie lied is nie tans beskikbaar nie.
Inligting oor die uitgewer van hierdie lied is nie tans beskikbaar nie.

Teks 
Martin Luther (#252) het die teks “Vom Himmel hoch” in 1534 geskryf vir sy familie se feesvieringe op Oukersaand. Die eerste van die 14 strofes is gebaseer op ’n ou Duitse kringdanslied (garland song): “Ich komm aus fremden Landen her”. Luther se teks is vir die eerste keer gedruk in Josepf Klug se Geistliche Lieder auffs new gebessert (Wittenberg, 1535) en in Valentin Schumann se Geistliche Lieder (Leipzig, 1539) word die teks in kombinasie met Luther se melodie aangetref. ’n Afrikaanse weergawe verskyn in Die Halleluja (1951). Hierdie teks is gewysig deur Izak de Villiers (#153) vir die 1978-bundel en dit is net so oorgeneem in die Liedboek (2001). 

Melodie 
Die melodie VOM HIMMEL HOCH DA KOMM ICH HER is gekomponeer deur Martin Luther. Luther gebruik aanvanklik die volksmelodie “Aus fremden Landen komm ich her” wat geassosieer is met die bogenoemde teks. Later skryf hy ’n nuwe melodie vir sy teks. VOM HIMMEL HOCH is vir die eerste maal gepubliseer in Valentin Schumann (1502-1534) se Geistliche Lieder auffs new gebessert und gemehrt (Leipzig, 1539). Dit het gou in verskeie Lutherse liedboeke verskyn en na 1567 ook in Katolieke liedboeke. Sien Lied 336 vir meer inligting oor die melodie. 

Bronne 
Cillié: 171-172; CWH: 57; HC: 42-43; HCLBW: 153-154; Hymnary.org; Knight: 78; PHH: 489.