Lied 334

Vers 1

1. “God is Liefde!” juig ons harte,
en bedink wat liefde doen:
Dat Hy ons sy Seun gestuur het
om ons sonde te versoen.

Kry toegang tot die volledige lirieke. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om alle verse se lirieke te sien.

Kry toegang tot alle bladmusiek en ander aflaaibare lêers. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om af te laai.

Attie van der Colf 1978 ©
STUTTGART – Psalmodia Sacra, Gotha 1715; aangepas Henry Gauntlett 1861 Diskant: Albert Troskie 2001
Inligting oor die verwerking van hierdie lied is nie tans beskikbaar nie.
Inligting oor die uitgewer van hierdie lied is nie tans beskikbaar nie.

Teks 
Die oorspronklike teks waarop Attie van der Colf (#164) sy Afrikaanse weergawe in die 1978-bundel gebaseer het, is “Come, Thou long-expected Jesus” van Charles Wesley (#294). Van der Colf se teks is net so oorgeneem in die Liedboek (2001). 

Melodie 
Die melodie STUTTGART is vir die eerste keer gepubliseer in die toonaangewende bundel Psalmodia Sacra (Gotha, 1715). Hierin was dit die setting vir ’n teks van Christoph Tietze (1641-1703): “Sollt’ es gleich bisweilen scheinen”. Die bundel se samesteller en redakteur was Christian F Witt (#244) en omtrent 100 van die 774 melodieë daarin word aan hom toegeskryf, insluitende STUTTGART. Die titel van die melodie hou verband met die verbanning van eerwaarde Christian Adam Dann (1758-1839) van die preekstoel van die St Leonardkerk in Stuttgart in die vroeë 19de eeu. Toe Dann uiteindelik teruggenooi is in die kerk in 1824, het die gemeente hom begroet met die sing van“Sollt’ es gleich bisweilen scheinen”. Henry J Gauntlett (#350) het die melodie in sy huidige isoritmiese vorm aangepas vir die publikasie daarvan in Hymns Ancient and Modern (1861). 

Bronne 
Cillié: 158; Colquhoun: 67-68; CWH: 482; PHH: 477-478.