Lied 293

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Jesus neem ons kleine kinders,
met 'n hart vol liefde aan;
niemand mag dit ooit verhinder
dat ons vry na Hom toe gaan.
Loof die Here, loof Hom almal!
Halleluja! Amen!

2. Jesus hoor ons swak gebede
w··r ons ook op aarde gaan.
Dag of nag, ons weet verseker
dat ons nooit alleen sal staan.
Loof die Here, loof Hom altyd!
Halleluja! Amen!

3. Jesus gee aan ons sy seÎn,
lei ons op die regte pad.
En ons weet dat Hy ons liefhet:
Hy het Self ons hand gevat.
Loof die Here, almal, altyd!
Halleluja! Amen!

Geskiedenis

Teks
“Jezus ziet de kleine kind’ren” was oorspronklik ’n Nederlandse kinderlied. Dit is gepubliseer in die Kinderharp (1863) en die Nederlandse Halleluja (1903). GBA Gerdener (#157) het dit in Afrikaans vertaal in Die Nuwe Halleluja (1931) en die teks is gewysig deur Attie van der Colf (#164) in die 1978-bundel en die Liedboek (2001).

Melodie
Die melodie JUBILATE is waarskynlik geskryf deur Dmitri Bortnianski en staan ook bekend as VESPER HYMN. Dit het verskyn in John A Stevenson se Selection of Popular National Airs (1818) as ’n setting vir Thomas Moore se teks: “Hark! The vesper hymn is stealing”. ’n Voetnota in dié bundel verduidelik dat Stevenson reëls uit ’n “Russian Air” toegevoeg het. Dit is nou die vyfde en sesde reëls van die melodie wat as refrein figureer. Sommige latere liedboeke skryf die melodie toe aan Dmitri Bortnianski, maar geen melodie wat enigsins ooreenkom met hierdie melodie kan gevind word in sy gepubliseerde werke nie. Stevenson word algemeen aanvaar as die verwerker van die melodie.

Dmitri Stephanovich Bortnianski (*28 Oktober 1751/1752, Gloukoff/Glukhov, Oekraïne; †10 Oktober 1825, St Petersburg, nou Leningrad) het as seun ’n pragtige sangstem gehad en musiektalent getoon. Die Russiese keiserin Katharina die Grote het hom in Moskou en St Petersburg laat oplei en hy is later met keiserlike ondersteuning na Venesië, Italië, vir verdere studies. Toe hy in 1779 na Rusland terug- keer, was hy reeds ’n gevestigde operakomponis. Sy styl is sterk beïnvloed deur die Italiaanse opera. Hy word aangestel as direkteur van die keiserin se kerkkoor en later van die keiserlike kapel. Hy skryf heelwat liturgiese musiek vir hierdie instellings. Bortnianski oefen ’n wesentlike invloed op die Russiese kerkmusiek uit en skryf baie musiek vir onbegeleide kerkkore. Sy koormusiek is gepubliseer (c 1884) deur PI Tchaikovsky (1840-1893).

John Andrew Stevenson (*? November 1761, Dublin; †14 September 1833, Kells, Ierland) was ’n koorsanger aan die Christ Church en St Patrick’s Cathedral in Dublin. Hy werk later as musikus in albei katedrale: by St Patrick’s van 1783 tot 1800 en van 1800 tot 1814 by Christ Church. In 1814 word hy orrelis en musiekdirekteur van die Castle Chapel van Dublin Castle. Stevenson publiseer Morning and Evening Services and Anthems (1825) en ’n oratorium Thanksgiving (1831). Hy is egter meer bekend vir sy operas en liedere vir die verhoog en sy versameling Irish Melodies (1807-1809) met lirieke van Thomas Moore. Stevenson ontvang ’n DMus-graad (doctor honoris causa) van die Universiteit van Dublin in 1791 en is tot ridder geslaan op 27 April 1803.

Bronne
CDH; Cillié: 321-322; CWC: 212; PHH: 181, 652; www.hymntime.com