Lied 288

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ons dank U, Heer, en bring U eer -
hoe groot is u ontferming!
U het ons kind aan U verbind;
ons leef in u beskerming.

2. Al is hul klein en ook onrein,
tóg is hul vir U heilig.
En, U, die borg sal altyd sorg -
by U is hulle veilig.

3. Gee aan ons kroos u hulp en troos,
gee aan ons wysheid, Here.
Laat almal saam u grote Naam
verheerlik, U ter ere.

Geskiedenis

Teks
Die oorspronklike Nederlandse teks “U, God en Heer! Zij eeuwig eer” is geskryf deur Abraham Rutgers (#151) vir die Evangelische Gezangen (1806). Dit is vertaal in Afrikaans deur GBA Gerdener (#157) vir Die Nuwe Halleluja (1931) en hersien vir die AGB (1944). Vir die 1978-bundel is dit hersien deur Gerjo van der Merwe (#151) en vir die Liedboek (2001) is die teks gewysig deur Andries Breytenbach (#151).

Melodie
Die melodie verskyn oorspronklik by die boetelied, ACH GOTT UND HERR. Vir meer inligting oor die melodie, sien Lied 182.

Bron
Cillié: 495.