Lied 268

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Laat, Heer, u seën op hul daal,
u guns uit Sion hul bestraal!
U wat beveel en dit geskied,
wil, Heer, u seÎn oor hul gebied!

2. Laat, Heer, u seën op hom daal,
u guns uit Sion hom bestraal!
U wat beveel en dit geskied,
wil, Heer, u seÎn oor hom gebied!

3. Laat, Heer, u seën op haar daal,
u guns uit Sion haar bestraal!
U wat beveel en dit geskied,
wil, Heer, u seën oor haar gebied!

Geskiedenis

Teks
Die teks is geskryf deur JD du Toit (Totius) (#249) en kom voor in die 1937-Psalmboek. So verskyn dit ook in die AGB (1944) en die 1978-bundel. Dit is gebaseer op vers 3 van Psalm 134. In die Liedboek (2001) is hierdie strofe afsonderlik gepubliseer as ’n seënbede.

Melodie
Die melodie wat by hierdie lied gebruik word, is GENEVAN 134 wat aanvanklik voorkom saam met ’n teks van Théodore de Bèze met die titel “Or sus, serviteurs du Seigneur”. Dit is gekomponeer of aangepas uit ’n ander melodie deur Loys (Louis) Bourgeois (#151) en kom uit die Geneefse Psalter, Trente quatre Pseaumes de David (1551) waarvan Bourgeois die musikale redakteur was. Die melodie staan in die Engelse himnologie ook bekend as die OLD 100th.

Bronne
CDH; CGLB: 403-404; CWH: 262; Knight: 1.