Lied 262

Sections

Lirieke

1. Ons was nie daar in Betlehem
by herders en by eng'lesang;
ons was ook nie in Nasaret
en ken U nie as timmerman;
ons kon nie sien nie, maar ons glo
die Woord van God sÍ dit w·s so.

2. Ons was ook nie op Golgota
toe duister oor die mensdom daal;
of toe U voor die hemelvaart
dissipels aanstel vir hul taak -
maar, Heer, ons weet tog dit w·s so;
ons kon nie sien nie, maar ons glo.

Geskiedenis

Teks
Die oorspronklike teks “We saw Thee not, when Thou didst come” is geskryf deur John Gurney en vir die eerste keer gepubliseer in sy Psalms and Hymns for Public Worship, selected for some of the Churches in Marylebone (The Marylebone Collection, 1851). Die teks het ’n komplekse geskiedenis en is, soos verskeie van Gurney se tekste, gebaseer op ’n vroeëre teks. In hierdie geval waarskynlik ’n lied deur Anna Rigby (c 1792-1857) (ook bekend as Mrs Anne Richter) wat verskyn het in ’n versameling van Kirkby Lonsdale: Songs of the Valley: A Collection of Sacred Poetry (1834). Die aanvang van hierdie teks lui: “We have not seen Thy footsteps tread”. ’n Weergawe deur Gurney van hierdie lied, verskyn in sy Collection of Hymns for Public Worship (The Lutterworth Collection, Lutterworth, 1838), met die aanduiding dat dit van Amerikaanse oor- sprong is. Dis egter onwaarskynlik omdat Rigby Engels was.

Attie van der Colf (#164) het die Afrikaanse weergawe in die 1978-bundel gebaseer op die teks van Gurney. Dit is onveranderd in die Liedboek (2001) opgeneem.

John Hampden Gurney (*15 Augustus 1802, Londen; †8 Maart 1862, Londen) gaan skool aan die Chobham School, Surrey, en studeer later in die regte aan die Trinity College, Cambridge, waar hy in 1824 ’n BA- en in 1827 ’n MA-graad verwerf. Hy praktiseer vir ’n kort tydjie as prokureur waarna hy besluit om ’n geestelike te word. Hy word georden as hulpprediker in 1827 en as priester in 1829. Hy dien as kurator van Lutterworth, Leicestershire (1827-1844), rektor van St Mary’s, Bryanston Square (1847- 1862) en as domheer van St Paul’s Cathedral (1857-1862). Gurney publiseer verskeie geskiedkundige werke, maar ook boeke oor kerkmusiek soos Church Psalmody: Hints for the Improvement of a Collection of Hymns published for the Society for Promoting Christian Knowledge (1853). Verder verskyn daar ook twee liedboeke: A Collection of Hymns for Public Worship (1838) (die sogenaamde Lutterworth Collection) en Psalms and Hymns for Public Worship, selected for some of the Churches of Marylebone (1851).

Albei versamelings bevat 300 liedere waarvan etlike deur homself geskryf is. Hy sterf in Londen aan tifuskoors.

Melodie
Die melodie DAS NEUGEBORNE KINDELEIN (ook bekend as JENA) was oorspronklik die toonsetting vir Cyriacus Schneegass (1546-1597) se teks, “Das neugeborne Kindelein”, en is opgeneem in Melchior Vulpius (#153) se Ein schön geistlich Gesangbuch (Jena, 1609). Vulpius het ook die melodie geskryf.

Bronne
CDH; Cillié: 415-416; HCLBW: 285; Hymnary.org; KLEG: 279; PHC: 586; Zahn: #491.