Lied 251

Vers 1

1. Salig die wat arm voor God is –
hulle erf Gods koninkryk;
en wie treur, die is gelukkig;
so kan God sy troos laat blyk.
Wie verdraagsaam is, laat Hy
op sy nuwe aarde bly.

Kry toegang tot die volledige lirieke. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om alle verse se lirieke te sien.

Kry toegang tot alle bladmusiek en ander aflaaibare lêers. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om af te laai.

Zalig zijn de geest’lik armen – Vervolgbundel 1868; JD du Toit 1935; AGB 1944; Attie van der Colf 1978 / 2001 ©
Komm, o komm du Geist des Lebens – Meiningen 1693
Inligting oor die verwerking van hierdie lied is nie tans beskikbaar nie.
Inligting oor die uitgewer van hierdie lied is nie tans beskikbaar nie.

Teks
Die Nederlandse teks van JJ ten Kate (#273), “Zalig zijn de geest’lik armen”, kom voor in die Vervolgbundel (1868) op die Evangelische Gezangen (1806). JD du Toit (Totius) (#249) het die teks in Afrikaans vertaal in 1935. Dit is gepubliseer in die AGB (1944). Attie van der Colf (#164) het dit verwerk vir die 1978-bundel en die Liedboek (2001). Die teks is gebaseer op Matteus 5:3-12.

Melodie
Die melodie KOMM, O KOMM, DU GEIST DES LEBENS kom anoniem voor in Conrad Kocher (1786-1872) se Zionsharfe (1855), maar word wel daarin gedateer as ’n Duitse koraalmelodie van 1680. Dit word soms (verkeerdelik) toegeskryf aan Johann Chris- toph Bach (1642-1702), ’n oom van JS Bach, omdat dit opgeteken is in ’n notaboek waarin variasies op die melodie voorkom. Dit is ingesluit in die Neu­vermehrts und zu Übung Christliche Gottseligkeit eingerichtetes Meiningisches Gesangbuch (1693). Hierin is dit die toonsetting vir JC Werner se begrafnislied “Ich begehr nicht mehr zu leben”. In 1698 verskyn die melodie, in kombinasie met die teks “Komm, o komm, du Geist des Lebens” van Heinrich Held (#438), in die Geistreiches Gesangbuch (Halle). Die himnologiese titel kom van hierdie teks af.

Bronne
CDH; Cillié: 418; CWH: 209; HCLBW: 499-500; PHC: 511; Zahn #3651.

© Missio 2024 | All rights reserved.