Lied 242

Sections

Lirieke

Here, ontferm U.
Christus, ontferm U.
Hoor ons gebed, Heer.
Ontferm U tog oor ons. Amen.

Geskiedenis

Teks
Kyrie eleison is ’n Latynse liturgiese teks uit die eerste deel van die misordinarium. Dit beteken: Heer, wees ons genadig. Die Afrikaanse weergawe is geskryf deur Elsabé Kloppers (#154) in 1998/2001.

Melodie
Franz Bühler (*12 April 1760, Unterschneidheim; †4 Februarie 1824, Augsburg) het die musiek van hierdie lied geskryf. As 10-jarige word hy ’n koorknaap in die Benediktynse Abdy in Neresheim en aan die Gimnasium. Daar kry hy onder meer onderrig in klawer- bordspel en basso continuo. Vanaf 1775 studeer hy teologie, filosofie en musiek in Augsburg. In 1778 tree hy toe tot die Benediktynse Klooster in Donauwörth waar die kerkmusiek uitsonderlik bevorder is deur die ab Coelestin II. In 1784 word hy as priester gewy. Hy kry verdere onderrig by die komponis Antonio Rosetti (c 1750- 1792; ook bekend as Franz Anton Rösler). Bühler verlaat die klooster in 1794 en word orrelis in Botzen (Bolzano). In 1801 word hy Kapellmeister van die Dom in Augsburg. Sy komposisies is in ’n streng klassieke styl. Hy laat ’n groot aantal werke na, veral geestelike musiek. Naas grootskaalse werke soos misse en ’n requiem, komponeer hy ook kort en maklike stukke vir plattelandse kore, orrel- en klaviermusiek.

Bronne
ADB; Hymnary.org