Lied 233

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Ek, Vader, wat gesondig het -
hoe skuldig staan ek voor u wet,
maar tog in Christus heilig!
Ek wil my skuld voor U beween;
ek soek en roep weer om u seÎn,
u Gees laat voel my veilig.
Help my geloof om vrug te dra
soos wat U van verlostes vra
in woorde en in dade.
Ek was verlore, is gevind;
ek was vervreemd, is nou u kind -
hoe groot is u genade!

Geskiedenis

Teks
Die oorspronklike Duitse teks “O Mensch, bewein dein Sünde gross” is geskryf deur Sebald Heyden. Dit kom voor in sy Grosse Passion (1525) waarin die lydensgeskiedenis van Christus in 23 strofes saamgevat is. Hierdie werk het aan die gemeente, volgens die beginsels van die Reformasie, geleentheid gegee tot groter deelname aan die erediens deurdat hulle die lydensgeskiedenis nou kon sing. Izak de Villiers (#153) se vrye vertaling van die eerste en die slotstrofes van Heyden se teks is in die 1978-bundel opgeneem: “O Heer, my sonde is so groot”. De Villiers het ’n nuwe teks “Ek, Vader, wat gesondig het”, met net een strofe, gemaak vir die Liedboek (2001).

Sebald Heyden (*8 Desember 1499, Bruck, Erlangen; †9 Julie 1561, Nürnberg) was een van die persone wat hom daarvoor beywer het om die Reformasie in die rykstad, Nürnberg, te bevorder. Hy studeer in Ingolstadt waar hy ’n meestersgraad verwerf. Na ’n kort rukkie in Steiermark word hy in 1519 kantor en in 1521 rektor van die Spitalschule zum Heiligen Geist in Nürnberg. Gedurende die Ryksdag van 1523 maak hy ’n omdigting van die katolieke Salve Regina as Salve Jesu Christe, rex miseri­ chordia in ooreenstemming met die Lutherse teologie dat Christus alleen as inspraak vir die gelowige kan dien. Hierdie teks veroorsaak groot tweespalt en in 1524 word die Maria-antifone in Nürnberg afgeskaf. In die volgende jaar neem Heyden die rektoraat van die St Sebaldusskool oor, ’n pos wat hy tot sy dood beklee. As humanis hou hy hom veral besig met pedagogiese probleme. Sy traktaat Musicae, id est artes canendi (1540), ondersoek die grondbeginsels van musiek en die maatsoort- en taktuspro- bleme van die tyd. Daar is agt liedtekste van hom oorgelewer waarvan net “O Mensch, bewein dein Sünde gross” vandag nog algemeen gesing word.

Melodie
Vir meer inligting oor die melodie GENEVAN 68 (ook bekend as O MENSCH BEWEIN), wat deur Mathias Greiter (#213) geskryf is, sien Lied 213.

Bronne
CGLK: 121-122, 709-711; Cillié: 51-52, 127-128; Hymnary.org; KLEG: 121-122, 153; PHH: 200.