Lied 222

Vers 1

Loof die Here God
en prys sy heil’ge Naam.
Loof die Here God –
Hy red my van die dood.

Kry toegang tot die volledige lirieke. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om alle verse se lirieke te sien.

Kry toegang tot alle bladmusiek en ander aflaaibare lêers. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om af te laai.

Bless the Lord, my soul – Taizé; Afrikaanse weergawe Elsabé Kloppers 2001 ©
Jacques Berthier 1923-1994 © Ateliers et Presses de Taizé, Frankryk. Met toestemming gebruik (Engels, teks in hierdie vertaling en musiek)
Inligting oor die verwerking van hierdie lied is nie tans beskikbaar nie.
Inligting oor die uitgewer van hierdie lied is nie tans beskikbaar nie.

Teks
“Bless the Lord, my soul” kom uit die Taizé-gemeenskap. Die parafrase van Psalm 103:1 is geskryf deur Robert Batastini. Die Afrikaanse weergawe in die Liedboek (2001) is geskryf deur Elsabé Kloppers (#154).

Robert J Batastini (*1 Januarie 1942, Chicago) het in Chicago grootgeword. Hy studeer musiekopvoedkunde, instrumentale musiek en kerkmusiek aan die De Paul Universiteit en dien as orrelis en koormeester in Katolieke kerke in Chicago, Brookfield en Downer’s Grove in Illinois. In 1965 word hy musiekdirekteur van die St Barbara Katolieke Kerk in Brookfield, Illinois. Hy lei hier ’n voortreflike musiekprogram tot met sy aftrede in 1987. Hy is die beste bekend vir sy werk by GIA Publications in Chicago waar hy as redakteur begin werk het in 1967. Hy word later vise-president en senior redakteur. Hy was uitvoerende redakteur en projekbestuurder van verskeie publikasies soos die Worship Hymnal­reeks (1971, 1975 en 1986); Gather Compre­ hensive Hymnal (1994) en die Catholic Community Hymnal (1999). Hy keer terug na gemeentebediening vanaf 1991 tot 1998 as musiekdirekteur van die St Joseph Church in Downers Grove, Illinois. Hy gee steeds verskeie werkswinkels en lesings en Batastini word in 1993 die eerste ontvanger van die Father Lawrence Heimann Citation vir ’n lewenslange bydrae tot kerkmusiek en liturgie in die VSA. Hy is ook benoem as “Pastoral Musician” van die jaar in 2000 deur die National Association of Pastoral Musicians. In 1982-1988 dien hy op die bestuur van die Hymn Society of America en was president vanaf 1986-1988. Hy is tot erelid van die organisasie benoem in 2006. Batastini was ook instrumenteel tot die bekendstelling van die musiek van die Taizé- en Iona-gemeenskappe in Amerika. Hy het verskeie liedmelodieë, begeleidings vir kerkliedere, psalmrefreine en ander liturgiese musiek geskryf. Sy artikels rakende pastorale aspekte van liturgiese musiek verskyn in verskeie tydskrifte en joernale. Hy tree op as besoekende dosent by verskeie universiteite. Batastini word beskou as een van die belangrike Amerikaanse Katolieke kerkmusici van die 20ste eeu.

Melodie
Die melodie vir die teks “Bless the Lord, my soul” is geskryf deur Jacques Berthier (#181) in 1984 en in dieselfde jaar uitgegee deur Ateliers et Presses de Taizé.

Bronne
CDH; CUMH: 719; HC: 299-300; Hymnary.org; PHH: 458-459.

© Missio 2024 | All rights reserved.