Lied 212

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Loof die Heer, Hy is goed,
loof sy heilige Naam;
laat alles in die groot heelal
die Here loof.

Ek wil die Here loof
(ek wil die Here loof),
loof met my hele hart
(loof met my hele hart)
Hy gee hul wat roep,
weer nuwe krag.

2. Hy't my sonde vergeef
en Hy maak my sy kind -
laat alles in die groot heelal
die Here loof.

Ek wil die Here loof
(ek wil die Here loof),
loof met my hele hart
(loof met my hele hart)
Hy gee hul wat roep,
weer nuwe krag.

3. Loof, o hemel, die Heer,
al die engele saam -
laat alles in die groot heelal
die Here loof.

Ek wil die Here loof
(ek wil die Here loof),
loof met my hele hart
(loof met my hele hart)
Hy gee hul wat roep,
weer nuwe krag.

Geskiedenis

Teks
Die Afrikaanse teks is geskryf deur Enine Niemand in 1975, maar dit is moontlik ’n vertaling van ’n reeds bestaande lied. Die teks is gewysig deur Attie van der Colf (#164) vir die Jeugsangbundel (1984). In die Liedboek (2001) is ’n refrein bygevoeg.

Die herkoms van die lied is onseker. Die eerste deel kom voor in The Worship Book (1972) waar dit aangedui word as ’n Appalagiese volksmelodie met die teks “Bless the Lord, O My Soul”. Die eerste deel kom ook voor in die Presbyterian Hymnal (1990) en The Celebration Hymnal (1997) en word in albei gevalle as anoniem aangedui en het geen refrein nie. Die lied kom gedeeltelik voor in Complete Mission Praise (2005) waar dit ook as anoniem aangedui word, maar ’n verwysing na Psalm 103 gemaak word. Die refrein in hierdie weergawe verskil geheel en al van die een in die Liedboek.

Geen nadere inligting oor Enine Niemand (*1952- ) kon opgespoor word nie.

Melodie
Die melodie is geskryf deur Enine Niemand in 1975. In die Celebration Hymnal word die himnologiese titel BLESS THE LORD daaraan toegeken, na aanleiding van die Engelse teks. In verskeie liedboeke soos hier bo genoem, word geen komponis by die melodie vermeld nie.

Bronne
Hymnary.org; www.oremus.org