Lied 209

Vers 1

Heer, met my hele hart
kom sing ek ‘n lofsang,
kom ek van u magtige wonders vertel
en van al u reddingsdade.
Heer, met my hele hart
kom sing ek ‘n lofsang.
Ek wil oor U altyd bly en vrolik wees,
ek wil u Naam besing.
Ek wil oor U altyd bly en vrolik wees.
Halleluja!

Kry toegang tot die volledige lirieke. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om alle verse se lirieke te sien.

Kry toegang tot alle bladmusiek en ander aflaaibare lêers. Gemeentes met ’n aktiewe kerkmusiek-lisensie wat reeds op Missio.org.za geregistreer is, kan aanteken om af te laai.

e louerai l’Eternel – Claude Fraysse 1976; Afrikaanse weergawe Elsabé Kloppers 2001 ©
Claude Fraysse 1976 © Hänssler Verlag, Neuhausen, Duitsland
Inligting oor die verwerking van hierdie lied is nie tans beskikbaar nie.
Inligting oor die uitgewer van hierdie lied is nie tans beskikbaar nie.

Teks
Die Franse teks, “Je louerai l’Eternel”, is geskryf deur Claude Fraysse in 1976 en geba- seer op Psalm 9:2-3. Die Afrikaanse weergawe is geskryf deur Elsabé Kloppers (#154) en in die Liedboek (2001) opgeneem.

Claude Fraysse (*31 Julie 1941, Versailles; †2012) was ’n musiekonderwyser aan die Ecole Nationale de Musique in Romans, Frankryk. Hy bespeel verskeie instrumente soos saksofoon, akkordion en dwarsfluit. In 1973 bekeer hy hom tot die Christendom en wy hierna sy musiektalente aan die kerk. Hy sien sy werk as dié van ’n sendeling wat deur musiek mense tot die evangelie bring. Sedert 1993 is hy predikant van die Reformed Church van Frankryk en tree ook op as ’n evangelisasie-sanger. Hy skryf heelwat liedere waaronder “Le louerai l’Eternel” en “Tu peux naître de nouveau” die bekendste is. Verder het Fraysse ook bygedra tot die sukses van die sangboek Arc­ en­ciel et Alléluia.

Melodie
Die melodie JE LOUERAI L’ETERNEL is ook geskryf deur Claude Fraysse in 1976.

Bronne
Hymnary.org; KLEG: 98-99; WIWIG: 98-99.