Lied 197

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Wonderbare Koning,
Heerser oor u skepping,
ons bring U ons lofgesange.
Deur u goedheid, Vader,
kan ons tot U nader -
U's ons diepste hartsverlange.
Laat die lied wat ons bied,
opstyg na u woning,
wonderbare Koning!

2. Loof Hom, hemelboÎ!
Loof Hom, berge en dale!
Daar's geen einde aan sy werke.
Loof, my siel, die Here!
Bring Hom dank en ere!
Hy is die onmeetlik' sterke.
Hef omhoog hart en oog!
Wie kan ooit op aarde,
Heer, U prys na waarde?

Geskiedenis

Teks
Joachim Neander (#159) het die teks “Wunderbarer König” geskryf en dit is gepubliseer met sy eie melodie in Alpha und Omega. Joachimi Neandri Glaub­ und Liebe­ sübung (Bremen, 1680). Izak de Villiers (#153) het die teks in Afrikaans verwerk vir die 1978-bundel. Dit is ook in die Liedboek (2001) opgeneem.

Melodie
WUNDERBARER KÖNIG (ook ARNSBERG en GOTT IST GEGENWÄRTIG) word toegeskryf aan Joachim Neander en dit het verskyn in sy Alpha und Omega. Joachimi Neandri Glaub­ und Liebesübung (Bremen, 1680) saam met bogenoemde teks. Die titel van die melodie is afgelei van die openingswoorde van hierdie teks. Vir meer inligting oor die melodie, sien Lied 159.

Bronne
Cillié: 138-140; HCLBW: 324-325.