Lied 192

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Grote God, u skepperhand
word verheerlik deur u werke;
son en sterre, see en land,
prys U, Ewige en Sterkte,
U wat is, U was altyd,
U sal wees in ewigheid.

2. Heiliges daar voor u troon
sing voor U vol vreug en vrede.
Ons in wie u Gees reeds woon,
wy aan U ons dankgebede.
Eng'le, mense, almal saam,
Heer, aanbid en roem u Naam.

3. Sien u volk in liefde aan;
laat ons nie ons stryd verloor nie;
help ons Satansmag weerstaan -
laat sy lis ons nie bekoor nie.
U, van alles, heer, die bron,
laat die nuwe aarde kom!

Geskiedenis

Teks
Ignaz Franz (#190) het die oorspronklike Latynse himne in Duits vertaal. Die Duitse teks is deur J Baumbach (#153) in Afrikaans vertaal vir sy bundel, Cantate (1934), wat bedoel was vir die Berlynse Sendinggenootskap se gebruik. Izak de Villiers (#153) het sy weergawe in die 1978-bundel gebaseer op Baumbach se vertaling. Dit is met geringe wysigings opgeneem in die Liedboek (2001).

Melodie
Vir inligting oor die melodie, GROSSER GOTT, WIR LOBEN DICH, sien Lied 190.

Bron
Cillié: 76-77.