Lied 191

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Grote God, ons bring U eer,
ons aanbid U, Koning, Heer.
U kom toe die lof alom -
U wat was, wat is, wat kom.
Voor U buig die skepping neer -
U wat ewig sal regeer.

2. Om u troon bring eng'le eer:
"Heilig, heilig, heilig, Heer".
Hier op aarde word 'n lied
deur die eeue aangebied:
Die getuies van u Naam,
jubel in hul lofsang saam.

3. Vader, ewig, goed en groot,
hoor ons lof uit elke oord.
Seun van God in ewigheid,
ons is tot u diens bereid.
Heil'ge Gees, Vertrooster, Heer,
ons, u kerk, wil U steeds eer.

Geskiedenis

Teks
Die oorspronklike Duitse teks “Grosser Gott, wir loben dich” is ’n anonieme metriese weergawe van die Te Deum Laudamus, een van die belangrike liedere/himnes van die vroeg-Christelike kerk. Dit is moontlik dat dit deur Niketas van Remisiana geskryf is. Hierdie Duitse weergawe van die Te Deum Laudamus verskyn vir die eerste keer anoniem saam met die gelyknamige melodie in die Katolisches Gesangbuch, auf allerhöchsten Befehl Ihrer K.K. apost. Majestät Marien Theresiens zum Druck befördert (Wene, 1774). Die Afrikaanse weergawe in die Liedboek (2001) is deur Louwrens Strydom (#174) vertaal.

Niketas (*c 335, Illyria – sterf ná 414) was ’n Ortodokse biskop van Remisiana (Romatiana, huidige Bela Palanka, Serwië). Hy was ’n teologiese en liturgiese skrywer wat onder meer ’n kategese vir voornemende dopelinge geskryf het: Instructio ad competentes. Hy staan in die Ambrosiaanse stroom van diegene wat sang in die kerk hartlik omarm en deeglik daaroor besin het.

Melodie
Vir inligting oor die melodie GROSSER GOTT, WIR LOBEN DICH, sien Lied 190.

Bronne
CWH: 303; HC: 234-235; www.newadvent.org; www.nftu.net