Lied 166

Ilse Pelem

Sections

Downloads

Vir Sang: ‘n PDF-dokument wat ’n melodielyn en lirieke bevat. In sommige gevalle bevat die dokument ook akkoorde.

Vir Begeleiding: ‘n PDF-dokument wat meerstemmige begeleiding vir orrel en/of klavier bevat. In sommige gevalle bevat hierdie dokument ook die lirieke van die lied.

Opname: Opname van van die lied, beskikbaar as mp3-lêer.

Aanbieding: ‘n Powerpoint aanbieding van die lied se lirieke.

Lirieke

1. Kom, Heil'ge Gees, wees U self
teenwoordig hier by ons;
ons is hier saam in Jesus Naam. Kom
(Kom van die Vader!)

2. Kom, Heil'ge Gees, wees U self
teenwoordig hier by ons;
ons is hier saam in Jesus Naam. Kom
(Kom, Gees van Christus!)

3. Kom, Heil'ge Gees, wees U self
teenwoordig hier by ons;
ons is hier saam in Jesus Naam. Kom
(Kom in ons harte, kom!)

Kom!

Geskiedenis

Teks
“Come, Holy Spirit” is geskryf deur John Bell in 1995. Die Afrikaanse weergawe in die Liedboek (2001) is geskryf deur Elsabé Kloppers (#154).

John Lamberton Bell (*20 November 1949, Kilmarnock, Ayrshire) is ’n kerklied- skrywer en ’n predikant in die Church of Scotland. Hy is ’n lid van die Iona Community, ’n omroeper en voormalige studente-aktivis. Bell studeer aan die Universiteit van Glasgow waar hy in 1974 verkies word tot president van die studenteraad. Ten spyte van sy linkse politiek was hy altyd openlik oor sy Christelike geloof en het ’n houtkruishangertjie gedra. In 1977 word hy verkies as rektor van die Universiteit van Glasgow alhoewel hy toe nog ’n student was. Hy werk regoor die wêreld en gee dikwels klas aan teologiese kolleges in die Verenigde Koninkryk, Kanada en die VSA. Sy primêre belangstelling is die hernuwing van gemeenskaplike aanbidding.

Na ’n tydperk in Nederland en twee poste in jeugbediening word Bell ’n voltydse medewerker van die Wild Goose Resource Group en konsentreer op musiek en aan- bidding. Hy was ook sameroeper van die Church of Scotland se paneel oor aanbidding en die sameroeper en musiekredakteur vir die komitee wat die vierde uitgawe van die Church of Scotland se Church Hymnary voorberei het. Die komitee het vir die eerste maal in 1994 vergader en die Hymnary is gepubliseer in 2005. In 1999 is hy vereer deur die Presbyterian Church in Kanada en ken die Royal School of Church Music ook ’n Fellowship aan hom toe. In 2002 ontvang hy ’n eredoktorsgraad van die University of Glasgow.

John Bell het baie versamelings met oorspronklike hymns en liedere (soms in samewerking met Graham Maule, #298) die lig laat sien asook twee versamelings met liedere vir die World Church. Sy werk word gepubliseer deur die Iona Community in Scotland en G.I.A. Publications (Chicago) in Noord-Amerika. Van sy versamelings is in Sweeds, Noorweegs, Fins, Deens, Nederlands, Japanees en Duits vertaal. Bell bied gereeld programme aan vir die BBC waarin hy kontemporêre religieuse liedere uit verskeie dele van die wêreld bekendstel. Verder is hy ook ’n gereelde aanbieder van “Thought for the Day”, op die BBC Radio 4 se program Today.

Die Skotse Iona Community is gestig deur eerwaarde George MacLeod, later Lord MacLeod van Fiunary, in 1938. Die antieke kloostergeboue op die eiland van Iona, vanwaar St Columba sendelinge soos St Aidan uitgestuur het om Skotland en die Noorde van Engeland te bekeer tot die Christendom in die sesde eeu, is herbou. Die Iona-gemeenskap is ’n verspreide Christelike ekumeniese gemeenskap wat streef na “peace and social justice, rebuilding of community and the renewal of worship”. Hulle fokus ook op die “rebuilding of the common life, bringing together, work and worship, prayer and politics, the sacred and the secular”. Die Gemeenskap het drie sentrums, naamlik Iona, die Eiland van Mull en Glasgow.

Die himnodie van die Iona Community is ’n voortgaande proses. Die liedere begin om in bundels te verskyn in 1987 en word primêr geassosieer met die naam van John Bell en sy kollega, Graham Maule. Die meeste van Bell se werk het ontstaan binne die konteks van die weeklikse byeenkomste van die Wild Goose Worship Group, wat gestig is deur Bell en Maule as ’n forum vir ontwikkeling van nuwe aanbiddings- materiaal. Die Iona Community-liedere is wyd versprei en met entoesiasme ontvang deur Engelssprekende kerke. Vertalings is reeds gemaak in Duits, Sweeds, Japanees, Noorweegs, Sjinees, Wallies en Nederlands (in die Liedboek nou ook in Afrikaans). Die himnodie van Iona kan beskou word as een van die belangrike bydraes tot die gemeentelike sang in die 20ste en 21ste eeu.

Melodie
Die melodie van “Come, Holy Spirit” is ook geskryf deur John Bell in 1995 en staan bekend as BREATH OF HEAVEN.

Bronne
CDH; HGSP: 589; www.iona.org.uk